Катар Шарм-эш-Шейх шаарында болгон жол кырсыгынан 3 дипломат каза болгонун билдирди. Бул тууралуу кечээ, 12-октябрда катардык жергиликтүү басылмалар жазышты.
Катардын Каирдеги элчилигинин маалыматына ылайык, каза тапкандар кызматтык милдеттерин аткарып жүргөн учурда кырсыкка туш болушкан.
Жол кырсыгынан жаракат алгандар Шарм-эш-Шейхтеги ооруканада дарыланууда. Маркум дипломаттардын сөөгүн Доха шаарына алып кетишти.