Трамп: "Президент Эрдоган Газадагы тынчтык келишимине чоң жардам берди"

АКШ президенти Дональд Трамп Газада күчүнө кирген тынчтык келишимине Түркиянын, анын ичинде президент Эрдогандын чоң салым кошконун белгиледи. Бул тууралуу чет элдик басылмалар жазышты.

"Президент Эрдоган мыкты болду, чын эле чоң жардам берди. Анткени ал урматталган, күчтүү эли жана армиясы бар", - деди ал.

Трамптын айтымында, ок атышпоону Түркия, Катар, Египет жана БАЭ баш болгон көптөгөн мусулман өлкөлөр колдоду. Ал согуштун бүткөнүн айтып, ок атышпоонун узакка созуларын күтөт.

Ошондой эле Трамп Газаны келерки ондогон жылдарда "таң калычтуу кереметке айланат" деп баалады.

Автор: Жазгүл Жаңыбаева