Чүйдө мыйзамсыз курулуш үчүн 200 миң сом айып пул салынды

Мамлекеттик архитектура-курулуш көзөмөлдөө департаментинин Чүй региондук башкармалыгы тарабынан курулуш объектилери көзөмөлдөнүүдө. Бул тууралуу Курулуш министрлиги билдирди.

Маалыматка ылайык, иш-чаранын алкагында Москва районунун Садовое айылынындагы газ куюучу станциянын курулушка тиешелүү долбоордук уруксат документтери жок экендиги аныкталды.

Натыйжада, аныкталган мыйзам бузууларды жоюу боюнча жазуу турүндө эскертүү берилди. Ошондой эле, протокол түзүлүп 200 миң сом өлчөмүндө айып пул салынганы кошумчаланган маалыматта.

Автор: Жазгүл Жаңыбаева
Фото: Курулуш министрлиги