Таластагы Нуржанов аллеясы заманбап болуп өзгөрөт. Курулуш жүрүүдө

Талас шаарындагы Нуржанов аллеясы толугу менен жаңыланып, заманбап эс алуу багына айландырылат. Бул тууралуу облус башчысы журналисттерге пресс тур өткөрүп жатканда билдирди.

"Нуржанов" аллеясы жөө жүргүнчүлөр үчүн эң кооз аллея болот. Аллея шаардагы эң кооз аймактардын бири болуп, туристтерге, шаар конокторуна жана жергиликтүү тургундарга ыңгайлуу шарттар түзүлөт.

Учурдагы Нуржанов аллеясында жайгашкан турак жайлар менен соода түйүндөрүнүн сырткы көрүнүшү да жаңыланып, жаңы парктын архитектуралык стилине ылайык иретке келтирилет. Аллеяда дүкөн, китепкана, эс алуучу жайлар , спорттук (воркаут) аянтчалары, вай-фай зона , фонтан , жана башка ыңгайлуу шарттар болот. Аллеянын курулушу 2026-жылдын июль айында бүтүшү керек.