Таластагы маданият бөлүмүнө жаңы жетекчи дайындалды

Талас облусундагы Айтматов районунун Маданият бөлүмүнүн башчысы болуп Мусулманкул Төлөбаев дайындалды. Бул тууралуу Маданият министрлигинен билдиришти.

Төлөбаев 1962-жылдын 1-апрелинде Айтматов районуна караштуу Маданият айылында туулган. 1984-жылы Б. Бейшеналиева атындагы Кыргыз мамлекеттик искусство институтун маданий агартуу иши адистиги боюнча аяктаган.

Мамлекеттик жарандык кызматтын I классынын кеңешчиси, аскердик наамы — ага лейтенант.

Эмгек жолу

1984–1992-жылдары — Райондук маданият бөлүмүндө жооптуу кызматкер;

1992–1997-жылдары — Райондук маданият үйүнүн директору;

1997–2004-жылдары — Кызыл-Октябрь айыл өкмөтүндө социалдык коргоо кызматкери, жооптуу катчы;

2004–2007-жылдары — «Жайнак» дыйкан чарбасынын мүчөсү;

2007–2011-жылдары — Райондук маданият бөлүмүнүн башкы адиси;

2011-жылдан бүгүнкү күнгө чейин — Бакай-Ата районунун Маданият бөлүмүнүн башчысы болуп иштеп келген.

Автор: Айжанар Рыспек кызы
Фото: Маданият министрлиги