Пакистан Трампты экинчи жолу Нобель сыйлыгына көрсөттү

Пакистан өкмөтү АКШнын президенти Дональд Трампты дагы бир жолу Нобелдин тынчтык сыйлыгына сунуштаганын премьер-министр Шахбаз Шариф Израил-ХАМАС согушунун аякташына арналган Шарм-эш-Шейхдеги саммитте билдирди. Бул тууралуу чет элдик басылмалар жазышты.

"Мен бул улуу президентти кайрадан Нобель сыйлыгына көрсөткүм келет. Ал эң татыктуу талапкер. Урматтуу президент өрнөктүү жетекчилигиңиз үчүн сизге урмат-сыйымды билдирем", - деген ал.

Шариф Пакистан биринчи жолу Трампты Индия менен Пакистандын ортосундагы согушту токтотууга кошкон өзгөчө салымы үчүн көрсөткөнүн эске салган. Анын айтымында, эгер Трамп Индия менен Пакистандын ортосундагы чыр-чатакка кийлигишпегенде миллиондогон адамдар өлүшү мүмкүн болчу.

Эске салсак, быйыл сыйлык Венесуэланын оппозициялык саясатчысы Мария Корина Мачадого ыйгарылды.

Автор: Кылымбек Бейшеев
Фото: Интернеттен алынды