Бишкекте кыргыз-казак балдарынын биргелешкен концерти өттү (фото)

Кечээ, 14-октябрда Бишкек шаарында “Сейтек” балдар жана өспүрүмдөр улуттук борбору менен Слезнев атындагы Алматы хореографиялык окуу жайынын биргелешкен концерти болуп өттү. Бул тууралуу Агартуу министрлигинен билдиришти.

Иш-чарага агартуу министри Догдуркүл Кендирбаева катышып, катышуучуларды ийгиликтүү концерт менен куттуктап, маданий байланыштардын маанилүүлүгүн белгиледи.

“Бийде, өнөрдө жана маданиятта чек жок. Бий аркылуу көрүүчүлөргө позитивдүү эмоция тартууланат”, - деди министр.

130 адамдан турган казакстандык делегацияны окуу жайдын директору Ая Калиева жетектеп келди.

Концертте Кыргызстандын “Шаттык” ансамбли жана Казакстандын окуу жайы классикалык, элдик жана заманбап бий номерлерин тартуулашты. Иш-чара кыргыз-казак маданий достугунун белгиси катары жогорку деңгээлде өттү.

Автор: Ширин Марат кызы
Фото: Агартуу министрлигинин маалымат кызматы