Кара-Суунун Таш-Арык айылында 50 орундуу балдар бакчасы ачылды (фото)

Бүгүн, 15-октябрь күнү Кара-Суу районунун Ынтымак айыл аймагына караштуу Таш-Арык айылында 50 орундуу жаңы балдар бакчасы пайдаланууга берилди. Бул тууралуу өкүлчүлүктөн билдиришти.

Ачылыш аземге агартуу министри Догдуркүл Кендирбаева, Ош облусунун жетекчиси Элчибек Жантаев жана жергиликтүү тургундар катышты.

Мектепке чейинки билим берүү мекемеси “Таза-Көмүр” ЖЧКсы тарабынан каржыланып бүткөрүлдү.

Жаңы бакча бир кабаттуу, ичинде балдар үчүн бардык заман талабына жооп берген шарттар түзүлгөн. Сыртында оюн аянтчалар жана көлөкө чатырлар жайгашкан.

Автор: Айсулуу Урустамова