Мөөнөтүнөн мурда шайлоо. БШК жалпысынан 137 ЖМКны аккредитациялады

Шайлоо алдындагы үгүт иштерин жүргүзүү эрежелери боюнча жумушчу топтун сунушун эске алып, Борбордук шайлоо комиссиясы 137 жалпыга маалымдоо каражаттарын аккредитациялады.

Алардын ичинде:

басылмалар – 37;
телекөрсөтүү – 41;
радио – 19;
интернет-басылмалар – 40.

БШКнын расмий сайтында ЖМКнын эфир убактысын, басылма аянтын жана интернет-басылмаларда жарыялоо укугун бергендиги үчүн акы төлөөнүн өлчөмү жана башка шарттары боюнча маалыматтар жайгаштырылат.

Аккредитациядан өткөн ЖМК жана интернет-басылмалар талапкерлердин үгүт иштерин өлкөнүн мыйзамдарынын алкагында так жана калыс жүргүзүүгө милдеттүү.

Мөөнөтүнөн мурда Жогорку Кеңештин депутаттарын шайлоого үгүт иштери добуш берүү күнүнөн 20 күн мурда – 10-ноябрда башталып, добуш берүү күнүнөн бир күн мурун – 29-ноябрда саат 8:00дө токтотулат.

Автор: Замира Ниязбекова