Ош шаарындагы Шакиров көчөсүн бойлой аккан Увам каналынын суу корук аймагында жайгашкан мурдагы Тумар мейманканасынын ордуна эс алуу багы курулуп жатат. Бул тууралуу шаардык мэриядан билдиришти.
Маалымдагандай, учурда аймакта гранит таштар төшөлүп, канал тарабы тосмолор менен тосулуп, көрктөндүрүү жана жашылдандыруу иштери жүргүзүлүүдө.
Калаа башкармалыгы мындар ары бардык каналдардын корук аймактарында бирдиктүү долбоор боюнча окшош эс алуу бактары курула турганын кошумчалады.