Трамп Путинге телефон аркылуу байланышка чыкты. Негизги темалар...

АКШнын президенти Дональд Трамп Орусиянын лидери Владимир Путин менен телефон аркылуу сүйлөшкөнүн билдирди. Бул тууралуу ал Truth Social тармагында жазды.

Трамп сүйлөшүүнү "өтө пайдалуу" деп баалап, төмөнкү натыйжаларды белгиледи:

Жакынкы аптада эки өлкөнүн жогорку даражалуу кеңешчилеринин жолугушуусу болот;
Кийинчерээк Путин менен Трамп Будапештте Украина маселеси боюнча бетме-бет кездешет;
АКШ – Орусия соода алакалары талкууланды.

Ошондой эле Трамп сүйлөшүүнүн жыйынтыгы тууралуу Украина президенти Владимир Зеленскийге маалымат берерин, алар эртең, 17-октябрда Вашингтондо жолугушарын билдирди.

Бул сүйлөшүү Путин менен Трамптын августтан бери экинчи жолу байланышканы. Алар акыркы ирет 15-августта Аляскада саммит өткөрүшкөн.

Автор: Замира Ниязбекова