Трамп: "Эгер Газадагы зомбулук уланса – биз келип, ХАМАСты жок кылабыз"

АКШнын президенти Дональд Трамп Газа секторундагы абалга байланыштуу билдирүү жасады. Анын айтымында, эгер ХАМАС адамдарды өлтүрүүнү улантса, Вашингтондо "аларды жок кылуудан башка жол калбайт". Бул тууралуу Sky News басылмасы жазды.

Израил аскерлеринин Газадан жарым-жартылай чыгарылышынан кийин сектордо бийлик үчүн ички кагылышуулар башталганы белгиленди. Расмий маалыматтарга ылайык, ХАМАС Израил менен кызматташууда деп шектелген ондогон эркектерди өлүм жазасына тартууда.

Буга чейин Трамп CNN телеканалына берген маегинде, эгер ХАМАС ок атышпоого байланыштуу макулдашууну бузса, Израилдин премьер-министри Биньямин Нетаньяхуга согуштук аракеттерди кайра баштоого уруксат берүүнү карай турганын билдирген.

Автор: Жазгүл Жаңыбаева