Бишкекте 14 миллион сомдук интернет алдамчылык. 17 жаштагы шектүү кармалды

Бишкектин тургуну милицияга кайрылып, Вотсап аркылуу өздөрүн УКМК кызматкери катары тааныштырган белгисиз адамдар аны алдоо жолу менен 14 миллион сом которууга мажбур кылышканын билдирген.

Шаардык милиция бул факт боюнча Кылмыш-жаза кодексинин 209-беренеси (Алдамчылык) менен кылмыш иши козгоп, иликтөөнүн натыйжасында 2007-жылы туулган Е.С. аттуу шектүүнү кармашты.

Кармалган жаран 2 айга тергөө абагына киргизилди. Терминалдардын жана соода борборлорунун видеокөзөмөл жазуулары текшерилип, шектүү эсептерге бөгөт коюлду. Учурда кылмышка тиешеси бар башка адамдар аныкталууда.

Автор: Замира Ниязбекова