Ошто Мадумаров көчөсүн кеңейтүү иштери башталды (фото)

Ошто Аскар Шакиров көчөсү менен кесилишкен Мадумаров көчөсүн кеңейтүү иштери башталды. Бул тууралуу шаардык мэриядан билдиришти.

Бул көчө облустук ооруканага, андан ары Фуркатка чыгып кеткен ички жолдордун бири. Шаар мэри Жеңишбек Токторбаев аталган көчөдө унаа кыймылына тоскоолдук кылган курулуштарды алып салып, жолду кеңейтүү боюнча тапшырмасын берген.

Ага ылайык, башкы планда көрсөтүлгөн жолго курулуп калган курулуштарды соода жайлар ээлери тарабынан бузуп алуу иштери учурда жүрүп жатат.

Автор: Айсулуу Урустамова