Парламенттик шайлоого талапкерлердин саны 340тан ашты

Жогорку Кеңештин депутаттарын мөөнөтүнөн мурда шайлоого катышуу ниетин билдирген талапкерлердин саны 343кө жетти. Бул тууралуу Борбордук шайлоо комиссиясынан билдиришти.

Маалыматка ылайык, 19-октябрда 5 талапкер БШКга арыз тапшырды. Алардын тизмеси:

Асамудинов Бактыбек Асанович, №27 (Чолпон-Ата шаары), 30.05.1966-жылы туулган, Кыргыз Республикасынын адвокатурасынын кызматкери
Курманалиева Жылдыз Кочкоралиевна, №12 (Сузак району), 10.03.1981-жылы туулган, Жогорку Кеңештин мыйзамдуулукту камсыздоо, кылмыштуулукка жана коррупцияга каршы аракеттенүү комитетинин бөлүмүндө эксперт
Макамбаев Сталбек Абибиллаевич, №7 (Кара-Суу шаары), 10.10.1986-жылы туулган, жеке ишкер
Никитенко Наталья Владимировна, №25 (Кант шаары), 26.03.1979-жылы туулган, докторант, көз карандысыз талдоочу
Жороева Элнура Сабиржановна, №6 (Ош шаары), 07.12.1973-жылы туулган, мектепте мугалим

Эске салсак, парламенттик шайлоого катышуу ниетин билдирген талапкерлердин арыздары 30-октябрга чейин кабыл алынат. Ал эми шайлоо ушул жылдын 30-ноябрына белгиленген.

Автор: Айжанар Рыспек кызы
Фото: интернеттен алынды