Ысык-Көлдүн жээгиндеги синтетикалык торлор тазаланды

Ысык-Көлдүн Тору-Айгыр айылындагы көл жээги мыйзамсыз орнотулган синтетикалык торлордон тазаланды. Бул тууралуу Жаратылыш ресурстары, экология жана техникалык көзөмөл министрлиги билдирди.

Маалыматка ылайык, бул иштер Экологиялык жана техникалык көзөмөл кызматынын Ысык-Көл аймактык башкармалыгынын Тоң жана Балыкчы шаардык инспекторлору тарабынан жүргүзүлдү.

Иш-чаранын жыйынтыгында болжол менен 300 метр эски жана экологияга зыяндуу тор алынды. Бул аракеттер суунун биологиялык ресурстарын коргоо жана көл экосистемасын сактоо максатында жүргүзүлдү.