Перуда уюшкан кылмыштуулукка каршы күрөшүү үчүн өзгөчө абал жарыяланды

Перуда Лима жана Кальяо шаарларында уюшкан кылмыштуулукка каршы күрөшүү максатында 30 күндүк өзгөчө кырдаал жарыяланды. Бул тууралуу чет элдик басылмалар жазышты.

"Кылмыштуулуктун деңгээли пропорционалдуу эмес түрдө өстү, бул миңдеген үй-бүлөлөргө чоң азап алып келүүдө жана өлкө экономикасына зыян келтирүүдө",- деди убактылуу президент Хосе Хери.

El Peruano гезитинде жарыяланган чечимге ылайык, өзгөчө кырдаал учурунда турак жайдын кол тийбестиги, чогулуш эркиндиги жана жеке коопсуздук сыяктуу кээ бир негизги укуктар токтотулат. Куралдуу күчтөр Улуттук полиция башкармалыгына колдоо көрсөтүп, автобус аялдамаларында, метро станцияларында, мамлекеттик мекемелерде жана зомбулук окуялары көп катталган аймактарда кайгуул иштерин жүргүзөт.

"Согуштар сөз менен эмес, иш менен жеңилет. Бүгүн биз тарыхты өзгөртө баштайбыз. Уюшкан кылмыштуулукка каршы күрөшүү өлкөбүздүн тынчтыгын жана бейпилдигин кайрадан камсыз кылат",- деди Хери.

Өлкөдө акыркы жумаларда, өзгөчө Лимада миңдеген адамдар зомбулуктун жана уюшкан кылмыштуулуктун көбөйүшүнө нааразычылык билдиришкен. Өлүмдөрдү каттоо маалымат системине таянсак, июль-сентябрь айларында Перуда 575 киши өлтүрүү катталган.

Автор: Жазгүл Жаңыбаева

11:12 22-10-2025

Жазылуу

РУБРИКАДАГЫ СОҢКУ КАБАРЛАР

23:40 2026-04-22 | Түркүн дүйнө

Apple компаниясында чоң өзгөрүү болду 388 0

23:02 2026-04-22 | Түркүн дүйнө

Иран Ормуз кысыгын ачуу шарттарын атады 549 0

22:40 2026-04-22 | Спорт

Кытайда Азиянын пляждык оюндары старт алды 244 0

21:56 2026-04-22 | Түркүн дүйнө

Эрдоган Украина боюнча сүйлөшүүлөрдү жандандыруу аракеттери жүрүп жатканын айтты 323 0

21:47 2026-04-22 | Коом жана турмуш

Кыргызстан Палестина менен кызматташтыкты жана гуманитардык маселелерди талкуулады 264 0

21:39 2026-04-22 | Коом жана турмуш

Коопсуздук маселелери жана аймактык кызматташтык талкууланды 242 0

Архив

Комментарийлер (1)

nyrbekali87

2025-10-22 12:04:00

Акыркы жылдары коомдо криминалдык авторитеттерди баатыр катары көрсөтүү коркунучтуу адатка айланып баратат. Айрым жаштар алардын сүрөттөрүн социалдык тармактарга чыгарып, "эр жүрөк", "адилеттүү" деп даңазалашат. Ал андай эмес. Криминалдык дүйнө эч качан эрдик же адилеттик менен байланыштуу эмес. . Мындай адамдардын аракеттери жаштардын аң-сезимин ууландырып, зомбулукту кадимки көрүнүш катары көрсөтөт.

Комментарий калтыруу үчүн өз ысымыңыз менен кириңиз же каттоодон өтүңүз.