Бишкек шаарындагы Арашан көчөсүндө жайгашкан үйлөрдүн биринен, баасы 224 миң сом болгон алтын зер буюмдары уурдалды. Окуя 11-сентябрда катталып, шектүү кармалганын бүгүн, 22-октябрда Октябрь РИИБинин басма сөз кызматы билдирди.
Милиция кызматкерлери тарабынан мурда соттолгон жана пробациялык көзөмөлдө турган, 1999-жылы туулган жаран Ш.Т. аныкталып, кармалды. Ал тергөө кызматына жеткирилип, убактылуу кармоочу жайга киргизилди.
Азыркы учурда анын ушул сыяктуу кылмыш фактыларын жасоого катыштыгы бар экендиги аныкталууда.