Польшада аскердик дрон турак жайдын жанына кулап түштү

Польшанын борбордук бөлүгүндөгү Иновроцлав шаарында аскердик дрон байланыш үзүлүп калгандыктан турак жайлар жайгашкан аймакка кулап түштү. Окуянын натыйжасында Польша почтасына тиешелүү унаа жана эки жүк ташуучу унаа жабыркагандыгын чет элдик басылмалар билдиришти.

Бийлик өкүлдөрү бул кырсык жергиликтүү тургундардын коопсуздугуна коркунуч жаратпаганын айтышат.

Кулаган дрон Wizjer аттуу чалгындоонун үлгүсү болуп, ал Польша армиясына жакында эле берилген. Бул өлкөдө мындай дрон катышкан экинчи кырсык экени белгиленди.

Автор: Замира Ниязбекова