БШК 29 эл аралык байкоочуну аккредитациялады

Борбордук шайлоо комиссиясы бүгүн, 24-октябрдагы жыйынында мөөнөтүнөн мурда өтө турган Жогорку Кеңештин депутаттарын шайлоого 29 эл аралык байкоочуну аккредитациялоо жөнүндө токтом кабыл алды.

Аккредитацияланган байкоочулардын катарында:

Көз карандысыз мамлекеттер шериктештигинин (КМШ) байкоочулар миссиясынын өкүлдөрү – 8 адам;
КМШнын Парламенттер аралык ассамблеясынын өкүлдөрү – 17 адам;
Беларус Республикасынын Кыргызстандагы элчилигинин өкүлдөрү – 2 адам;
Орусиянын Кыргызстандагы элчилигинин өкүлдөрү – 2 адам.

БШКдан маалымдалгандай, аккредитацияланган эл аралык байкоочуларга белгиленген үлгүдөгү күбөлүктөр берилет.

Автор: Айжанар Рыспек кызы
Фото: Интернеттен алынды