
Ысык-Көл ОИИБинин Туристтик-экология кызматынын жана Балыкчы ШИИБинин кызматкерлери көлгө чөгүп бараткан аялды куткарып калышты.
Белгилүү болгондой, окуя кечке маал көл жээгинде болгон.
Көл жээгинде эс алып жүргөн адамдар окуяны көрүп, дароо "102" кызматына билдиришкен. Милиция кызматкерлери аялды катер менен жээкке чыгарышты.
Жабырлануучуга биринчи медициналык жардам көрсөтүлүп, медициналык мекемеге жеткирилди.