Япония жүк ташуучу учкучсуз космос кемесин учурду

Япония өлкөсү Эл аралык космостук станцияга жүк жеткирүүчү жаңы муундагы учкучсуз космостук аппаратты ийгиликтүү учурду. Бул тууралуу Kyodo агенттиги жазды.

Маалыматка караганда, "HTV-X" аттуу жүк ташуучу аппарат H3 ракетасы аркылуу Танегасима космостук борборунан көтөрүлдү.

Энергия системи менен жабдылган HTV-X учуу маалында төмөнкү температураны талап кылган каражаттарды да ташый алат. Космостук аппараттын 30-октябрда марага жетиши жана 6 ай бою станцияга туташып турушу күтүлүүдө.

Япониянын Космостук изилдөөлөр агенттигинин маалыматына ылайык, HTV-X мурунку "Kounotori" үлгүсүнө караганда 1,5 эсеге көбүрөөк, болжол менен 6 тонна жүк ташый алат. Аппарат миссиясын аяктагандан кийин дагы үч ай бою орбитада сыноо жүргүзөт.

Автор: Жазгүл Жаңыбаева