Түркияда жер титирөө катталды

Түркиянын батышында кечээ, 26-октябрь күнү кечинде жер титиреди. Бул тууралуу чет элдик басылмалар жазышты.

Маалым болгондой, жер титирөө Стамбулдун батышында жергиликтүү убакыт боюнча саат 19:44тө болду, смартфондордогу тиркемелер силкинүүлөр башталардан бир нече секунд мурун эскертишти.

Сейсмологдордун маалыматы боюнча, жер титирөөнүн күчү 3,7 баллды түздү, очогу Кара деңизде, Стамбул аэропортунун жанында жайгашкан. Ал 13 чакырым тереңдикте болгон.

Ал эми Кандилли обсерваториясынын сейсмологдору магнитуданы 3,9 балл деп баалашты.

Автор: Жазгүл Жаңыбаева