Бишкек шаарында зордуктоо фактысы боюнча 22 жаштагы жаран кармалды

Бишкек шаарында зордуктоо фактысы боюнча 22 жаштагы Б.Абуракхан кармалды. Бул тууралуу Бишкек шаардык ИИББдин басма сөз кызматы билдирди. Чүй облусунун 24 жаштагы тургуну Ленин райондук укук коргоо кызматкерлерине 12-декабрь күнү Жал кичи районундагы батирлердин биринде 20-25 жаштагы белгисиз адам күч колдонуп зордуктап койгондугу тууралуу арыз менен кайрылган. Тиешелүү чаралар көрүлгөн соң аталган кылмышка шектүү делип 22 жаштагы Б.Абуракхан кармалып, учурда тергөө иштери жүрүүдө.

Автор: Айдай Асанбекова