Кыргызстандыкка социалдык тармактагы билдирүүсү үчүн 20 миң сом айып пул салынды

Кыргызстандыкка социалдык тармактагы билдирүүсү үчүн 20 миң сом айып пул салынды. Соттун токтому тууралуу сүрөттөр социалдык тармактарда жарыяланды.

Документке ылайык, мындай чечимди 23-октябрда Бишкектин Ленин райондук соту чыгарган. Анда белгиленгендей, 1991-жылы туулган Асел Тынчтыкбек кызы аттуу жаран 23-сентябрда социалдык тармакка пост жарыялап, анда А. Казакбаева аттуу жаран №14имектепте иштеп жүрүп, коррупция боюнча кармалганын, кийин №13 мектепке директор болуп дайындалганын жазган.

Сот жараянында Асел Тынчтыкбек кызы бул маалыматты интернеттен алганын айткан.

Натыйжада ал Жоруктар тууралуу кодексинин 107-беренесинин негизинде жоопкерчиликке тартылган.

Соттун чечими менен ал 20 миң сом айып төлөөгө милдеттендирилген.

Автор: Ширин Марат кызы