Мальдив аралдарында 2007-жылдан кийин туулгандарга тамеки чегүүгө тыюу салынды

Мальдив аралдарында жаштарга тамеки чегүүгө, сатууга расмий түрдө тыюу салынды. Бул тууралуу чет элдик басылмалар жазышты.

Маалыматка караганда, жаңы жобого ылайык, өлкө боюнча 2007-жылдын январь айында же андан кийин төрөлгөн жарандарга тамеки чегүүгө, сатууга тыюу салынды. Чектөөлөр тамеки буюмдарынын бардык түрлөрүнө: кальянга, электрондук тамекиге киргизилген.

"Мыйзамды бузуу административдик чара көрүүгө жана айып пул салууга алып келет. Жаңы эрежелер жергиликтүү тургундарга гана эмес, Мальдив аралындагы туристтерге да тиешелүү",- деп жазылган маалыматта.

Мальдив аралдары бүтүндөй муунга тамеки чегүүгө тыюу салган дүйнөдөгү биринчи өлкө болуп калды. Аталган чектөөнүн максаты - келечекте тамеки чекпеген муунду калыптандыруу экени айтылган.

Автор: Бурул Турусбекова