Казакстандын мамлекеттик органдары Екатерина Биволдун издөөдө колдонулган сүрөтүн жарыялашты

Казакстандын укуктук статистика жана атайын каттоо органдарынын порталында Екатерина Биволго издөө жарыяланды.

Билдирүү "Издөөдөгү кылмышкерлер" бөлүмүнө жайгаштырылган. Анда 35 жаштагы Бивол эки күндөн бери изделип жатканы айтылат.
2025-жылдын 1-ноябрында козголгон издөө иши Астанада катталган жана издөөнү Байконур райондук полиция бөлүмү жүргүзүп жатат.

Казакстандын Ички иштер министрлиги издөөнүн демилгечиси катары аныкталды.

Эскерте кетсек, 31-октябрда Казакстандын Ички иштер министрлиги Екатерина Биволго карата кылмыш иши козголгонун ырастады. "Адам камакка алуу түрүндөгү алдын алуу чарасы менен издөөгө алынды. Сотко чейинки тергөө жүрүп жатат",- деп билдирди Ички иштер министрлиги.

Иш кайсы берене боюнча жүргүзүлүп жатканы такталган жок.

Екатерина Биволго Кыргызстан боюнча да издөө жарыяланды. Ага карата 330-берене "Расалык, этникалык, улуттук же аймактар аралык кастыкты (пикир келишпестикти) козутуу" боюнча кылмыш иши козголгон.

Автор: Айсулуу Урустамова