Президент Садыр Жапаровду Египетке коштоп кеткен делегациянын курамы

Бүгүн, 4-ноябрда өлкө башчы Садыр Жапаров расмий сапар менен Египет өлкөсүнө учуп кетти. Бул тууралуу "Кабар" маалымат агенттиги жазды.

Маалыматка ылайык, президент Египеттин президенти Абдель Фаттах Ас-Сисинин чакыруусу боюнча кеткен.

Жолугушууда эки тараптуу документтерге кол коюу, соода-экономика, инвестиция, билим берүү жана маданият тармактарындагы кызматташтыкты талкуулоо пландалууда.

Кыргызстандын расмий делегациясынын курамы:

Садыр Жапаров - Кыргыз Республикасынын президенти;

Жээнбек Кулубаев -тышкы иштер министри;

Сагынбек Абдумуталип - президенттик администрациянын тышкы саясат бөлүмүнүн башчысы;

Улукбек Марипов - Кыргызстандын Сауд Арабия падышалыгында жана Египеттеги элчиси;

Мелис Тургунбаев - Улуттук банктын төрагасы;

Бактияр Орозов - илим, жогорку билим жана инновациялар министри;

Медер Машиев - жаратылыш ресурстары, экология жана техникалык көзөмөл министри;

Азамат Жамангулов - санариптик өнүктүрүү жана инновациялык технологиялар министри;

Бакыт Сыдыков - экономика жана коммерция министри;

Азамат Юсупов - президентке караштуу дин жана улуттар аралык мамилелер боюнча улуттук агенттиктин директору.

Автор: Бурул Турусбекова