Орусияда 5 жаштагы кыздын сөөгү ижарага алынган батирден табылды

Орусиянын Челябинск шаарында 5 жашар кыздын сөөгү табылганын Орусиянын аймактык тергөө комитети билдирди.

Тергөөнүн маалыматы боюнча, аял баласы менен батирди ижарага алып турушкан. Кийинчерээк аял көчүп кетип, үй ээси 5 жаштагы кыздын сөөгүн дивандан тапкан.

"Орусиянын Кылмыш-жаза кодексинин 105-беренеси (жашы жете элек баланы өлтүрүү) боюнча кылмыш иши козголду",- деп айтылат билдирүүдө.

Адистер учурда бир катар тергөө жана ыкчам издөө иш-чараларын жүргүзүп жатышат. Ошондой эле соттук-медициналык экспертиза дайындалды.

Автор: Айсулуу Урустамова