Бир жолу автобуста... Коомдук транспорттогу өзгөчө "жүргүнчүнүн" видеосу тарады

Социалдык тармактарда автобустагы өзгөчө "жүргүнчүнүн" видеосу тарады. Анда мышыктын орундукта уктап жатканын көрүүгө болот.

Комментарийде "ойготуп койгула, аялдамасынан өтүп кетпесин", "дээрлик эки орунду ээлеп алып уктап баратат, эжелер көрсө урушат", "түнкү нөөмөттөн чыккан го, ойготпогула" деген сыяктуу тамашалар менен кошо, "бүгүн мен көргөн эң жагымдуу видео", "жүрөк жылытат", "кантип ушундай зыяны жок мышыктарды аталы деп жатышат?" деген пикирлер жазылууда.

Эске салсак, буга чейин көчөдөгү ээсиз мышыктарды атуу боюнча маалымат тараган.