Өкмөт башчы Казакстанга жумуш сапары менен барды

Бүгүн, 13-ноябрда министрлер кабинетинин төрагасы Адылбек Касымалиев Казакстандын Астана шаарына жумуш сапары менен барды. Бул тууралуу өкмөттөн билдиришти.

Министрлер кабинетинин төрагасынын учагы “Нурсултан Назарбаев” эл аралык аэропортуна конду. Аны Казакстандын премьер-министри Олжас Бектенов жана башка расмий адамдар тосуп алышты.

Аэропорттун флагштокторуна эки өлкөнүн мамлекеттик туулары илинип, ардактуу кароол тизилди.

Эске сала кетсек, Адылбек Касымалиев жумуш сапарынын алкагында Кыргыз-Казак өкмөттөр аралык кеңешинин тар жана кеңейтилген курамдагы 13-жыйынына катышат.

Автор: Айсулуу Урустамова