Леваневский көчөсүндөгү жолду асфальттоого даярдоо иштери жүрүп жатат

Бишкектеги Леваневский көчөсүн капиталдык оңдоо боюнча активдүү иштер уланууда. Бул тууралуу шаардык мэриядан билдиришти.

Гагарин көчөсүнөн №136А үйүнө чейинки участокто негизги курулуш иштери аяктады: эски асфальтты алуу, тротуар жана жолдун бордюрларын орнотуу, ирригациялык тармакты орнотуу иштери аяктап, тротуардын негизи бүткөрүлдү.

Учурда адистер люк капкактарын жөнгө салып, жолдун негизин даярдап жатышат. Жакынкы арада асфальт-бетон аралашмасын төшөөнү баштоо пландаштырылууда.

Бардык жумуштар аяктагандан кийин Леваневский көчөсүнүн эки тарабында ыңгайлуу тротуар, кеңейтилген жол жана ирригация системи болот.