Телефонун "блокировкадан" чыгарбай койгон кыздын колун жигити сындырып койду

Орусиянын Калининград шаарында 28 жаштагы эркек 36 жаштагы сүйлөшкөн кызынын колун сындырып койду. Бул тууралуу Орусиянын аймактык ички иштер башкармалыгы билдирди.

Аялдын айтымында, чыр-чатак учурунда жигити кыздын телефонун "блокировкадан" чыгаруу үчүн манжа изи менен ачууга аракет кылган. Кыз буга каршы болгондо, эркек манжасын сындырып салган. Медициналык кароо сыныкты тастыктаган.

Орусиянын Кылмыш-жаза кодексинин 112-беренеси - "Орточо дене жаракатын атайылап келтирүү" боюнча кылмыш иши козголду.

Эркек аймактан чыкпоо жөнүндө жазуу жүзүндөгү милдеттенме менен бошотулган. Ал үч жылга чейин эркинен ажыратылышы мүмкүн.

Автор: Айсулуу Урустамова