Бишкекте жол тескөөчүлөр ымыркайдын өмүрүн сактап калууда ыкчам чара көрүштү. Бул тууралуу Жол кайгуул кызматы билдирди.
Маалыматка ылайык, жол тескөөчүлөргө жаңы төрөлгөн ымыркайдын ата-энеси кайрылып, чакырылган "Тез жардам" кызматы кечигип жатканын айтышкан. Жол тескөөчүлөр аларды дароо балдар ооруканасына жеткиришип, ымыркайды дарыгерлердин колуна өткөрүп беришкен.
Кайгуул кызматынын кызматкерлери ымыркайга тийиштүү медициналык жардам көрсөтүлгөн соң ал үй-бүлөнү кайра үйүнө чейин коштоп барышкан.