Бишкектик “Дордой” футболдук клубу машыктыруучулук кызматка сербиялык Завиша Милославлевичти алып келет

Бишкектик “Дордой” футболдук клубу машыктыруучулук кызматка сербиялык Завиша Милославлевичти алып келет. Бул тууралуу бүгүн, 20-январда клубдун расмий сайты кабарлады.

Маалыматка ылайык, клуб жаңы машыктыруучуну 23-февралда расмий түрдө тааныштырат. Эске салсак, “Дордойдун” мурунку машыктыруучусу Сергей Дворянков 2013-жылы кызмат ордун бошоткон. ТОП-Лиганын 2013-жылкы сезонунун акыркы оюндарында “Дордойду” машыктыруучу катары Анарбек Ормонбеков жетектеген.

Завиша Милославлевич Пакистан курама командасын машыктырып, футбол коомчулугуна таанылган.

Автор: Максат Кудайбердиев