Бивол, Шевченко, Акжол жана Уран тууралуу даректүү тасма тартылды (видео)

UFC Eurasia "Кыргызстан — чемпиондордун мекени" аттуу документалдуу тасма жарыялады. Тасма уюмдун Ютуб каналына чыкты.

"Достор, биздин каналда документалдык тасма жарыяланды, анда биз Кыргызстандагы мушташ өнөрүнүн тарыхы тууралуу баяндайбыз. UFC’де өсүп келе жаткан мушкер Уран Сатыбалдиевдин үйүндө болуп, ошондой эле буга чейин атак-даңкка жеткен чемпиондор Валентина Шевченко, Дмитрий Бивол, Акжол Махмудов жана Валентина Шевченконун машыктыруучусу Павел Федотов менен сүйлөшүп кайттык. Тасма абдан кызыктуу болуп чыкты. Көрүңүздөр, билдирүү калтырыңыздар жана досторуңуздар менен бөлүшүңүздөр!" - деп айтылат маалыматта.

Белгилей кетсек, 26 мүнөттүк тасмада республикадагы мушташ өнөрүнүн өнүгүшү тууралуу баяндалат.