Манас шаарынын мэриясынын алдындагы Маалымат борборунун 10 жылдыгы белгиленди (фото)

Манас шаарынын мэриясынын алдындагы Маалымат борборунун 10 жылдыгы белгиленди. Бул тууралуу шаардык мэриядан билдиришти.

Шаардык мэриянын чоң жыйындар залында уюштурулган иш-чарага калаа мэринин биринчи орун басары Кубанычбек Иманалиев, шаардык кеңештин төрагасынын орун басары Каныбек Маманов, калаадагы мекеме иш-каналардын жетекчилери жана жалпыга маалымдоо каражаттарынын өкүлдөрү катышты.

Маалымат борбору – Манас шаарынын мэриясына жана Манас шаардык депутаттар кеңешине түз баш ийүүчү, бардык башка муниципалдык бирдиктердей эле өз алдынча чарба жүргүзүүчү структуралык бөлүм. Борбор – шаардык мэриянын жана шаардык кеңештин гана маалыматтарын эмес, калаадагы муниципалдык мекеме-ишканалардын да маалымат саясатын жүргүзөт.

Эскерте кетсек, Маалымат борборунун тарыхы 2015-жылдан башталат. Ошол жылы Жалал-Абад шаардык кеңешинин чечиминин жана Жалал-Абад шаардык мэриясынын буйругунун негизинде “Жалал-Абад үнү” гезит-редакциясынын ордуна Маалымат борбору түзүлгөн. 20-ноябрда Юстиция башкармалыгынан катталып, өз алдынча юридикалык статус алган.

Автор: Айсулуу Урустамова