Казакстандык мушкер Геннадий Головкин World Boxing федерациясынын президенти болуп шайланды

Казакстандын легендарлуу мушкери Геннадий Головкин эл аралык World Boxing федерациясынын президенти болуп бекитилди. Бул тууралуу чет элдик басылмалар жазышты.

Маалым болгондой, бул чечим 23-ноябрда Римде өткөн конгрессте кабыл алынды. Головкин жалгыз талапкер катары көрсөтүлүп, көз карандысыз комиссиянын текшерүүсүнөн өткөндөн кийин конгресс тарабынан бир добуштан колдоого алынган.

World Boxing - 2023-жылы IBA'нын Эл аралык Олимпия комитети тарабынан таануусун жоготкондон кийин түзүлгөн уюм. Ал эми ышкыбоз жана олимпиадалык боксту дүйнөлүк деңгээлде координациялайт. Головкин буга чейин уюмдун Олимпиадалык комиссиясын жетектеп, бокстун 2028-жылкы Олимпиада программасында сакталышына салым кошкон.

Головкин - 2003-жылдын дүйнө чемпиону, Афина-2004 Олимпиадасынын коло байге ээси жана профессионалдык бокстун жылдызы. Ал карьерасында 45 беттеш өткөрүп, 42 жеңишке жеткен (37 нокаут).

Автор: Жазгүл Жаңыбаева