Бүгүн 10 миңге жакын шайлоочу сырттан добуш берүүгө катышып жатат

Бүгүн, 29-ноябрда Жогорку Кеңештин депутаттарын мөөнөтүнөн мурда шайлоодо 30 көп мандаттуу шайлоо округдары боюнча добуш берүү үчүн жайдан тышкары добуш берүү өтүүдө.

БШКнын маалыматы боюнча, жалпысынан өлкө боюнча 2 492 участкалык шайлоо комиссиянын ичинен 1 324 шайлоо комиссиясына 10 329 арыз келип түшкөн.

Алардин ичинен:

жаш курагы боюнча – 3 511;
майыптыгы боюнча – 2 134;
ден соолугуна байланыштуу – 4 008;
айрым категориялардын өкүлдөрүнөн – 676;

Добуш берүүчү жайдан тышкары добуш берүү – добуш берүү күнүнө бир календардык күн калганда саат 08:00дөн 20.00гө чейинки аралыкта жана шайлоочунун добуш берүү үчүн орун-жайдан тышкары жерде добуш берүү мүмкүнчүлүгүн берүү жөнүндө жазуу жүзүндөгү арызынын негизинде гана жүргүзүлөт.

Автор: Замира Ниязбекова