Бүгүн, 30-ноябрда Бишкек шаарынын мэри Айбек Жунушалиев Жогорку Кеңештин депутаттарын кезексиз шайлоого катышып, добуш берүүгө барды. Бул тууралуу калаа мэриясынын басма сөз кызматы билдирди.
Маалыматка ылайык, мэр борбор калаадагы №1220 шайлоо участкасында добуш берди.
Белгилей кетсек, борбор калаада 296 шайлоо участогу иштеп жатат. Мындан тышкары добуш берүү жеткиликтүү болушу үчүн ири соода борборлору менен базарларда аралыктан добуш берүүгө 11 участок ачылган.