№25 округдук шайлоо комиссиясы №7133 участогундагы жайдан тышкары добуш берүүнүн жыйынтыгын жокко чыгарды. Бул тууралуу бүгүн, 30-ноябрда БШКдан билдиришти.
Маалым болгондой, аталган округдук шайлоо комиссиясы Фейсбукта жарыяланган видеолорду текшерип, Нижняя-Серафимовка айылындагы Карылар жана майыптар үйүндө жайгашкан №7133 шайлоо участогунда добуш берүүнүн купуялуулугу бузулгандыгынын белгилери бар деген жыйынтыкка келген.
БШК келип түшкөн материалдарды шайлоо мыйзамдарына ылайык карап чыгат.