Мас болуп унаа башкарган тартип сакчысы мурда өлүм коштогон жол кырсыгына күнөөлүү болгон

Мас абалында унаа башкарган мурунку тартип сакчысы буга чейин дагы өлүм менен коштолгон жол кырсыгына күнөөлүү болгон. Бул тууралуу ЖКККББнын басма сөз кызматы билдирди.

Милициянын маалыматында, ал 2018-жылы "Дүйнөнүн сулуу айымы-2018" сынагынын жеңүүчүсү Сания Шакированын өлүмүнө алып келген жол кырсыгында күнөөлүү деп табылган.

Айдоочунун мас абалда унаа башкарганы аныкталып, 10 жылга жатак абакка кесилип, маркумдун жакындары 2 миллион сом төлөп берүүгө милдеттендирилген. Кийин анан жазасы жаңы Кодекс боюнча 5 жылга кыскартылган.