Казакстандын Алматы облусунда болгон үрөй учурган жол кырсыгынан жети адам каза болду. Бул тууралуу бүгүн, 2-декабрда Казак басылмасы Tengrinews.kz жазды.
Маалыматка ылайык, кырсык Алматы-Бишкек жолунун 129-чакырымында болгон. Анда Honda Odyssey унаасынын айдоочусу алдында бара жаткан жүк ташуучу унаанын чиркегичи менен кагышкан.
"Кырсыктын кесепетинен унаадагы жети адам, анын ичинде айдоочу да алган жаракаттарынан улам каза болушту",- деп билдирген жергиликтүү бийлик.
Учурда окуянын бардык жагдайларын аныктоого багытталган иликтөө иштери жүрүп жатат.