Төө-Ашууга курула турган жаңы тоннелге канча акча сарпталат?

Транспорт министрлиги Бишкек-Ош жолундагы Төө-Ашууга "Келечек" альтернативдик тоннелин куруу долбоору 640 миллион долларга бааланганын билдирди.

Маалымдалгандай, аталган суммадагы инвестиция толугу менен жеке өнөктөш тарабынан каржыланып, курулуш иштерин дээрлик 5 жылда аткаруу пландалган.

Мунун алдында Инвестициялар боюнча улуттук агенттик Бишкек-Ош жолундагы Төө-Ашууга "Келечек" альтернативдик тоннелин куруу боюнча мамлекеттик-жеке өнөктөштүк жөнүндө макулдашууга кол коюлганын кабарлаган.

Жаңы тоннель деңиз деңгээлинен 2200 метр бийиктикте жайгашып, узундугу 11,5 чакырымды түзмөкчү.

Автор: Кылымбек Бейшеев