Оштогу Жаңы-Маала айылына көп кабаттуу үйлөр курулат (сүрөт)

Ош шаарынын Жаңы-Маала айылына көп кабаттуу үйлөр курулат. Бул тууралуу калаа мэриясынын басма сөз кызматы билдирди.

Ош шаарынын мэри Жеңишбек Токторбаев Жаңы-Маала (Лөлү маала) айылынын жашоочулары менен жолугушуп, долбоор тууралуу маалымат берген.

"Келерки жылдан баштап конуштагы бардык эски турак-жайларды бузуп, ордуна жаңы көп кабаттуу жана жер үйлөр, мектеп, бала бакча, үй-бүлөлүк дарыгерлер борбору, мечит жана сквер курулат",- деп билдирди мэрия.

Мэр өз сөзүндө биринчи кезекте 12 жылдык мектептин курулушу башталарын, орду даяр экенин белгилеп өткөн.

Автор: Бурул Турусбекова