Ошто лөлү тектүүлөр жашаган Жаңы-Маала айылы кайра курулат

Ош шаарынын мэриясы лөлү тектүүлөр жашаган Жаңы-Маала айылын толук кайра курууну пландап жатат. Реновация иштери 2026-жылдан башталарын мэриянын маалымат кызматы билдирди.

Мэр Жеңишбек Токторбаев конушту реновациялоо маселеси боюнча тургундар менен жолугуп, долбоордун маанилүү этаптарын түшүндүрдү. Келерки жылдан тартып этап-этабы менен аймактагы турак үйлөр жана социалдык объектилер бузулуп, алардын ордуна жаңы көп кабаттуу үйлөр, жер тамдар, мектеп, бала бакча, үй-бүлөлүк дарыгерлер борбору, мечит жана сквер курулат.

4 миңге жакын калкы бар бул конуш 2024-жылы административдик-территориялык реформанын алкагында Ош шаарынын аймагына кошулду.

Автор: Замира Ниязбекова