№13 шайлоо округунда 35 участкалык шайлоо комиссияларынын төрагалары жаңы шайланат

Бүгүн, 7-декабрда Борбордук шайлоо комиссиясынын жыйынында №13 көп мандаттуу шайлоо округундагы айрым участкалык шайлоо комиссияларынын төрагаларынын жоопкерчилигин карады.

БШКнын маалымат кызматы билдиргендей, натыйжада Ноокен жана Майлуу-Суу аймактык шайлоо комиссияларына 35 участкалык шайлоо комиссияларынын төрагаларын курамдан чыгарууну сунуштады. 5 календардык күндүн ичинде жаңы төрагаларды шайлоону уюштуруу тапшырылды.

Бул чечим 3-декабрдан тартып жараксыз деп таанылган №13 шайлоо округу боюнча Жогорку Кеңештин депутатын шайлоодогу мыйзам бузууларга байланыштуу кабыл алынды. Алар мыйзам бузуулардын болушуна жол бербөө үчүн чара көрүшкөн эмес.

Автор: Замира Ниязбекова