Бишкектеги борбордук Ала-Тоо аянтында жаңы жылдык жасалгалоо иштери 20-ноябрда башталган. Учурда балаты кооздолуп, жасалгалоо иштери аягына чыга баштады.
Ал арада социалдык тармактардагы видеолордон борбордогу балаты бул жылы көк түстө болорун көрүүгө болот. Мэрия жасалгалоо иштери декабрдын ортолорунда бүтөрүн маалымдаган.
Буга чейин балаты түндүк тарапка коюлуп, эс алуу жана сүрөткө түшүү үчүн орундар көбөйтүлгөнү айтылган. Электр жарыгын үнөмдөө жана коопсуздук талаптары боюнча дагы атайын план түзүлгөн.