Араванда 18 жаштагы кызды зордуктоого шектелген киши 3 жылга соттолду

Араван районунда 29 жаштагы жаран зордуктоого шек саналып кармалды. Бул тууралуу Ош облустук ички иштер башкармалыгы билдирди.

Маалыматка ылайык, 18-августта милицияга 18 жаштагы кыз арыз менен кайрылган. Ал 12-август күнү Telegram мессенжеринде таанышкан киши жумуш таап берем деп чакырып, унаасында зордуктаганын билдирген.

Бул факт каттоого алынып, текшерүү иштери башталган. Чогултулган материалдын негизинде Кылмыш-жаза кодексинин 156-беренеси (Сексуалдык мүнөздөгү аракеттерге мажбурлоо) менен кылмыш иши козголгон. Натыйжада шектүү кармалган.

Облустук милиция топтолгон материалдар сотко жөнөтүлгөнүн, сот шектүүнү 3 жылга эркинен ажыратуу боюнча өкүмү чыгарганын кошумчалады.

Автор: Кылымбек Бейшеев