Япониядагы күчү 7,6 баллга жеткен жер титирөөдөн 30 адам жабыркады

Япониянын түндүгүндө күчү 7,6 баллга жеткен жер титирөөдөн 30 адам жаракат алды. Бул тууралуу Орусиянын РИА новости басылмасы жазды.

Маалыматка ылайык, күчү 7,5 баллга жеткен катуу жер титирөөдөн кийин 14 сааттын ичинде Японияда дагы 10дон ашык жер титирөө катталган. Алардын эң максималдуу күчү 6,4 баллга, эң азы 3,6 баллга жеткен.

Жер титирөөдөн кийин Япониянын түндүгүндө цунами коркунучу жаралган. Цунаминин максималдуу бийиктиги 70 сантиметрди түзгөн.

Жергиликтүү бийлик буга чейин бир жума мурун катуу жер титирөө боло турганын эскерткен.

Автор: Бурул Турусбекова